Բանջարեղենի մշակության առանձնահատկությունները ջերմատան պայմաններում
2019թ. մարտի 20-ին «Համապարփակ աջակցություն Հայաստանի գյուղական լեռնային շրջանների կայուն տնտեսական զարգացմանը» ծրագրի շրջանակներում Սյունիքի մարզի Շաղատ և Շաքի համայնքների ջերմատներում Շաղատ, Անգեղակոթ և Շաքի համայնքների կոոպերատիվների անդամների համար տեղի ունեցավ գործնական դասընթաց «Ջերմատան պայմաններում լոլիկի սածիլների ցանք և հետագա խնամք, ամսաբողկի ցանք» թեմայով: «Շեն» ԲՀԿ կողմից տրամադրվեց բարձրորակ սերմեր, սածիլների աճեցման համար նախատեսված տորֆաբուսահող և թաղարամաններ: Շենի գյուղատնտես-փորձագետի կողմից մանրամասն ներկայացվեց ջերմատան պայմաններում սածիլների ցանքսի և մշակության առանձնահատկությունները, կատարվեց ցանքս: Դասընթացներին մասնակցեցին վերը նշված համայնքների կոոպերատիվների անդամները և հետաքրքրված ֆերմերներ: