Գյուղատնտեսական տեխնիկայի ներկայացում

Ս.թ. ապրիլի 3-ին կայացավ OASI աջակցությամբ իրականացվող «Օրգանական մրգի արտադրության ընդլայնում՝ օրգանական այգիների կառավարման բարելավման և գյուղացիներին օրգանական գյուղատնտեսական կոոպերատիվի մեջ ընդգրկելու միջոցով» ծրագրի շրջանակներում կազմակերպվող սեմինար/պրակտիկ ուսուցումը: Սեմինարը նախատեսված էր «Օրգանական միրգ արտադրողների» կոոպերատիվի անդամ մեխանիզատորների և «Ծիրանի այգի» ՍՊԸ մեխանիզատորների համար: Սեմինարի թեման էր «BCS տրակտորի և  IDEAL սրսկիչի աշխատանքի պրակտիկ ներկայացում»: Դասընթացը վարում էր տարածաշրջանում իտալական BCS և  IDEAL ընկերությունների պաշտոնական ներկայացուցիչ՝ «Հրաշք այգի» ՍՊԸ-ի մասնագետը: Ներկայացվող IDEAL սրսկիչները համարվում են վերջին սերնդի սրսկիչ/սարքավորումներից: Ծրագիրը Հայաստանում առաջինն է ձեռք բերել այս մոդելի սրսկիչներ և դրանք մեծ հետաքրքրություն առաջացրեցին սեմինարի մասնակիցների մոտ: Այս սարքավորումները ապահովում են բարձր արտադրողականություն, ինչում մեխանիզատորները համոզվեցին փորձարկման ժամանակ: Սեմինարին մասնակցում էին 8 մեխանիզատորներ և գյուղատնտեսներ Շենիկ, Արգինա, Լուսակն, Աշնակ և Հացիկ համայնքներից: